Йәйғор төҫтәренә мансылдылар

Яр буйы паркына был сара йәштәрҙе лә, бала-сағалары менән бергә ғаиләләрҙе лә йәлеп итте. Улар саҡырылған диджейҙарҙың күңелле музыкаһы аҫтында сар-сыу килеп буяҙар менән һибеште, йәйғор төҫтәренә мансылды. Ситтән күҙәткәндә фестиваль нәҡ Һиндостандың Холи байрамын хәтерләтте. Бында килеүселәр бер юлы ойоштороусыларҙың конкурстарында, уйындарында ла теләп ҡатнашты, йыр-моң аҫтында бейене. Йәйҙең матур көнөндә Йәштәр байрамына арналған был тамашала тик шатлыҡ йөҙҙәре балҡыны.

Гөлнара Солтанова.