Асҡын 1-се урта мәктәбенең 9-сы класс уҡыусыһы Азат Әсләмов «“Урал батыр” башҡорт халыҡ эпосы — кешелек байлығы» XII халыҡ-ара конкурсында ҡатнашып, еңеү яуланы һәм призер булды.
Азат “Донъя халыҡтары эпостары мотивтары буйынса иң яҡшы уйнаусыға” номинацияһында 1-се дәрәжә дипломға лайыҡ булды. “Донъя халыҡтары телдәрендә “Урал батыр” башҡорт эпосын иң яҡшы башҡарыусыға” номинацияһында һәләтле уҡыусы 2-се урын яуланы.
Азатты һәм уны мәртәбәле бәйгегә әҙерләгән уҡытыусылары Илнара Әсләмова менән Елена Ханжинаны ысын күңелдән тәбрикләйбеҙ һәм киләсәктә лә ижади уңыштар теләйбеҙ!
Фотолар район хакимиәте башлығы сәхифәһенән алынды.