Райондың 90 йыллығына арналған дәрес

Ҡариҙел районының Абыҙ төп дөйөм белем биреү мәктәбенең башҡорт теле уҡытыусыһы Гөлнара Рәхмәтулла ҡыҙы Солтанова 4-се класс уҡыусылары менән Ҡариҙел районы тураһында дәрес үткәрҙе. Уҡытыусы балаларға район тураһында ҡыҫҡаса мәғлүмәт, унда йәшәгән халҡы, үҙенсәлекле тәбиғәте, арҙаҡлы шәхестәре, райондың символикаһы тураһында һөйләне. Һуңыраҡ уҡыусыларға "Минең тыуған төйәгем - Ҡариҙел", "Ҡариҙелгә - 90 йыл" тигән темаларға һүрәт төшөрөү бурысы ҡуйылды. Дүртенселәр йәнтөйәктәренә булған һөйөүҙәрен, ҡараштарын аҡ ҡағыҙҙа һүрәтләне.

Гөлнара Солтанова.