Уралия планшетлы булды!

Йома көндө район хакимиәте башлығы, “Берҙәм Рәсәй” партияһының урындағы бүлеге секретары Ришат Марат улы Дихин күп балалы ғаиләләрҙә тәрбиәләнгән өс уҡыусыға планшеттар тапшырҙы. Шулар араһында өс балалы ғаиләлә тәрбиәләнгән Уралия Ғилмийәрова ла бар. Уралия бик тырыш уҡыусы, тик яҡшы билдәләргә генә өлгәшә. Ныҡышмал ҡыҙ спорт менән шөғөлләнә, бигерәк тә волейболды үҙ итә. Районда үткән спорт ярыштарында әүҙем ҡатнаша. Уралия планшет бүләк итеүҙәренә бик һөйөндө һәм артабан тағы ла тырышыбыраҡ уҡыясағын әйтте.