Асҡын 1-се мәктәбендә конкурс үтте

Бөгөн Асҡын 1-се мәктәбендә Башҡортостан Республикаһы, Рәсәй Федерацияһы халыҡтары һәм сит телдәрҙә «Урал-батыр» эпосын яттан һөйләүселәрҙең IX Халыҡ-ара конкурсы үтте. Унда V-XI кластарҙан барлығы иллегә яҡын бала ҡатнашты. Башҡорт телендә эпосты 18 бала һөйләне. Асҡын 2-се мәктәбенең бишенсе класс уҡыусыһы Азалия Шаһиева менән Ҡышлауйылға мәктәбенең туғыҙынсы класс уҡыусыһы Динар Шәрифханов еңеүселәр тип билдәләнде.