+30 °С
Болотло
Халыҡ иҫәбен алыу
29 Сентябрь 2021, 09:55
Сәхнәлә — «Тамаша»лар
Район Мәҙәниәт йортоноң «Тамаша» коллективы яңы театр миҙгелен асты. Ҡариҙел ауылының күп функциялы ауыл клубы сәхнәһендә театр сәнғәтен яратыусылар һәүәҫкәр артистар менән осрашты.
Сәхнәлә — «Тамаша»лар
Кисәне коллектив етәксеһе — Башҡортостандың атҡаҙанған мәҙәниәт хеҙмәткәре Гүзәлиә Әхмәрова Гөлфиә Юнысованың «Театр — минең яҙмышым» исемле шиғыры менән асып ебәрҙе.
«Тамаша» репертуарында тулы спектаклдәр генә түгел, ҙур булмаған сәхнә күренештәре, скетчтар, драматик этюдтар ҙа бар. Был юлы тамашасы иғтибарына татар труппаһы әҙерләгән «Күңелем сәхнәлә» исемле театрлаштырылған концерт тәҡдим ителде. Туфан Миңнуллиндың «Әсәйҙәр һәм бәпестәр» спектакленән өҙөк, Әнгәм Атнабаевтың «Законлы никах менән» һәм Туфан Миңнуллиндың «Үҙ ҡатыным» театр этюдтарын күрһәтелде. Яҡташыбыҙ – яҙыусы Ғаян Лоҡмановҡа быйыл 98 йәш булыр ине. Уның «Ауыл ситендәге өй» исемле хикәйәһе тәүге тапҡыр драматик постановка формаһында сәхнәгә ҡуйылды һәм тамашасыларға бик оҡшаны.
Люция Карамова.
Ҡариҙел районы.
Сәхнәлә — «Тамаша»лар
