+30 °С
Болотло
Халыҡ иҫәбен алыу
17 Сентябрь 2021, 09:30
Һайлау тыныс шарттарҙа башланды
Яубүләк ауыл Советы ауыл биләмәһенә ҡараған 914-се Солтанай һайлау участкаһында иртәнән үк йәнлелек. Бирегә Ҡушкүл, Ҡаракүл, Солтанай ауылдары һайлаусылары килә. Һайлау участкаһында был өлкәлә бай тәжрибә туплаған Реваль Ғәтиәт улы Әхмәтйәнов рәйеслек итә. Уның урынбаҫары Радик Гәрәйхан улы Әхмәтшин, секретары Лилиә Мәзһәр ҡыҙы Сәмиғуллина, комиссия ағзалары Венер Фәрит улы Әбдрәхимов, Илүсә Нәзир ҡыҙы Суфиянова һайлаусыларҙы асыҡ йөҙ менән ҡаршы алып, үҙ бурыстарына яуаплы ҡарай.
Һайлау тыныс шарттарҙа башланды
— Исемлек буйынса — 192 һайлаусы. Уларҙың бишеһе тәүге тапҡыр һайлай. Сәләмәтлеге буйынса килә алмағандарҙы, оло йәштәгеләрҙе һаҡланыу сараларын ҡулланып, өйҙәренә барып һайлатабыҙ. Әлегә ундайҙарҙан ғариза биреүселәр — 9 кеше. Һайлауҙың беренсе көнө генә булыуға ҡарамаҫтан, халыҡ башҡа йылдарға ҡарағанда сағыштырмаса әүҙемерәк килә. Барлыҡ санитар нормалар ҙа үтәлә. Һайлауҙа тауыш биреү законға ярашлы башҡарылыуын төрлө партияларҙан дүрт күҙәтеүсе күҙәтә, — тип һөйләне участка һайлау комиссияһы рәйесе Реваль Ғәтиәт улы.
Илһөйәр Махатова.
