Башҡортостанда пенсияның уртаса күләме билдәле булды

Ошо уҡ ваҡытта республикала хаҡлы ялдағыларҙың һаны 1,192 миллиондан 1,159 миллионға тиклем кәмегән.

Башҡортостанда пенсионерҙарҙың күпселегенә йәки 1,061 миллиондан ашыу кешегә страховка пенсияһы түләнә. Ағымдағы йылдың 1 июленә уның уртаса күләме республикала 15 755 һум тәшкил иткән. Был 2020 йылдың июленә ҡарағанда 886 һумға күберәк.

Ғәҙәттәгесә, дәүләт пенсия тәьминәте буйынса пенсия алыусылар күпкә аҙыраҡ — яҡынса 97 мең кеше. Июлдә улар уртаса 10 613 һум алған, тип белдерҙе республика статистиктары.

Фото: Олег Яровиков

https://www.bashinform.ru/news/1640715-nazvan-sredniy-razmer-pensiy-v-bashkirii-/