Экология диктанты яҙҙылар

Башҡортостан Республикаһындағы Рус география йәмғиәте төбәк бүлеге республиканың Мәғариф һәм фән министрлығы, М. Аҡмулла исемендәге Башҡорт дәүләт педагогия университеты менән берлектә апрелдең һуңғы көнөндә 5-11-се класс уҡыусылары өсөн республика мәктәп экология онлайн-диктантын үткәрҙе. Уҡыусылар Рус география йәмғиәте сайтында теркәлеп, экология тематикаһына ҡағылышлы 30 һорауға 40 минут эсендә яуап бирергә тейеш ине. Асҡын 2-се урта мәктәбе уҡыусылары ла был сарала әүҙем ҡатнашты.

Белем усағының биология һәм химия уҡытыусыһы Алия Мөхтәсәр ҡыҙы Сафина уҡытҡан 8В, 10А, 10Б, 11В класс уҡыусылары сайтта теркәлеп, үҙҙәренең экология буйынса белемдәрен тикшерә һәм күбеһе юғары һөҙөмтәләргә ирешә. 10Б класынан Регина Тәфтиева (80 балл), Айһылыу Хәйерзаманова (73 балл), Максим Прохоров (71 балл), Илнар Исмәғилев (72 балл), Ләйсән Ниғәмәтйәнова (73 балл), 8В класынан Илдус Насртдинов (79 балл), Алмаз Хәйерзаманов (65 балл), 10А класынан Алһыу Ғарипова (70 балл), Илмир Ғәйбәтов (78 балл), Азамат Ғиниәтов (77 бал), Фирзәр Мортазин (75 балл), Илмир Әсләмов (62 балл), 11В-нан Юрик Асоян (61 балл) тәбиғәтте һаҡлау буйынса яҡшы белемдәрен күрһәтеп, сертификаттарға эйә була.