Тимур Фазылов тәүге тапҡыр тауыш бирҙе

Тимур һайлау участкаһына әсәһе Альбина Фидәйес ҡыҙы һәм ҡустыһы Әзиз менән килде.

• Миңә 18 йәш күптән түгел, август айында тулды. Һайлау булырын алдан белеп торам, республикабыҙ, илебеҙ өсөн мөһим сараға үҙ өлөшөмдө индереүемә бик шатмын. Һайлау участкаһында ҡотлап, иҫтәлекле бүләк тә бирҙеләр, — ти тәүге тапҡыр тауыш биреүсе Тимур.

Тимурҙы алда армия хеҙмәте көтә. Ул үҙенең белемен, һәләтен (әйткәндәй, ул конструктор йыйыу, робот техникаһы менән ҡыҙыҡһына,)  тыуған ил һағында торғанда ҡулланырға теләй. Уның кеүек һәләтле, үткер, маҡсатсан, белемле йәштәр киләсәктә районыбыҙ йөҙөн билдәләйәсәк, республикабыҙ үҫешенә өлөшөн индерәсәк.

Илһөйәр Махатова.

Анна Ханжина фотолары.