+20 °С
Облачно
Общие статьи
16 Сентября , 07:55
Асҡын балалар-үҫмерҙәр спорт мәктәбе тәрбиәләнеүселәре — АФАРИНДАР!
14-15 сентябрҙә Анапала Бөтә Рәсәй Асыҡ үҫмерҙәр хәрби сәнғәт уйындары үтте. Был йыл һайын илдең иң яҡшы йәш спортсыларын йыйған ҙур ваҡиға булып тора. Быйыл ярыштарҙа бөтә Рәсәйҙән 25 көрәш федерацияһы вәкилдәре ҡатнаша. Был Рәсәйҙең 70-тән ашыу субъектынан 6 мең самаһы ҡатнашыусы тигән һүҙ. Беҙҙең райондың ғорурлығы — Башҡортостан Республикаһы йыйылма командаһынан ирекле стиль көрәшселәре, Балалар-үҫмерҙәр спорт мәктәбе тренер-уҡытыусыһы Фәрдүс Әхмәтовтың тәрбиәләнеүселәре иҫ киткес һөҙөмтә күрһәтте.
Асҡын балалар-үҫмерҙәр спорт мәктәбе тәрбиәләнеүселәре — АФАРИНДАР!
Билбау көрәше буйынса шәхси ярыштарҙа беҙҙең спортсылар бер юлы өс награда яуланы:
Азамат Ғәлиев ( 40 кг ауырлыҡ категорияһы) турнир чемпионы булды;
Искәндәр Ахунов (70 килограмдан ашыу) көмөш миҙал яуланы;
Йәмилә Усманова (36 кг) пьедесталдың өсөнсө баҫҡысына күтәрелә һәм бронза призер була.
Команда иҫәбе лә шатлыҡлы булды: Башҡортостан Республикаһы йыйылма командаһы — 1-се, Краснодар крайы командаһы — 2-се, Ҡырым Республикаһы командаһы 3-сө урын яуланы.
Йәмилә, Искәндәр һәм Азаматтың еңеүҙәре миҙалдар ғына түгел, ә даими тырыш хеҙмәт, дисциплина һәм үҙ- үҙеңә ышаныу һөҙөмтәһе.
Балаларҙы һәм уларҙың остазы Фәрдүс Зөлфәт улын шундай яҡшы сығыш яһауҙары менән ҡотлайбыҙ һәм яңы спорт бейеклектәрен теләйбеҙ!
Асҡын балалар-үҫмерҙәр спорт мәктәбе тәрбиәләнеүселәре — АФАРИНДАР!
