Кескәйҙәр милли кейемдәрҙә баҡсаға килә

"11 сентябрь — республикабыҙ өсөн үҙенсәлекле көн. Беҙ Башҡортостан халыҡтарының милли кейемдәре көнөн билдәләйбеҙ! Бөгөн беҙҙең балалар баҡсаһы ысын халыҡ ижады күргәҙмәһенә әйләнде.

Ҡыҙҙар сыңлап торған биҙәүестәр тағып,  сағыу башҡорт күлдәктәрендә йөрөнө. Малайҙар иһә  түбәтәй  һәм камзулдар кейеп, етди һәм рух ныҡлығы күрһәтте.

Шулай уҡ рус  сарафандарын, татар елеткәләрен һәм башҡа халыҡтарҙың костюм элементтарын күрҙек.

Тәрбиәселәр  балалар менән  әңгәмәләр үткәрҙе, унда орнаменттарҙың әһәмиәте, баш кейемдәренең үҙенсәлектәре һәм костюмдарҙың барлыҡҡа килеү тарихы тураһында һөйләне.

Балалар үҙҙәренең кейемдәрен ғорурлыҡ менән күрһәтте, уйындарҙа һәм бейеүҙәрҙә ҡатнашты.

Беҙҙең балалар өсөн был милли кейемдәрҙе кейеп һалыу  ғына түгел, ә төрлө халыҡтарҙың мәҙәниәте үрелеп барған уникаль төбәктә йәшәүебеҙҙе аңлауға тәүге аҙым. Костюм аша балалар үҙ халҡының тарихын, йолаларын һәм матурлығын белә.

Был дефиле ғына түгел, ә дуҫлыҡ һәм бер-береһенең мәҙәниәтен хөрмәт итеү буйынса ысын һабаҡ булды. Халыҡтар дуҫлығы йылдан-йыл нығынһын, ә балаларыбыҙ татыу һәм рухлы булып үҫһен!" — тип һөйләне Асҡын 2-се балалар баҡсаһы мөдире Лариса Фәрит ҡыҙы Мөхәмәтшина.