+13 °С
Облачно
Общие статьи
1 Сентября , 08:50
Яңы уҡыу йылы яңы уңыштарға һәм ҡыуаныстарға тулы булһын!
Бөгөн район мәктәптәрендә Белем көнөнә арналған тантаналы линейкалар үтте. Быйылғы уҡыу йылында Асҡын районы мәктәптәренә 1983 уҡыусы барҙы, улар араһында — 151 беренсе класс уҡыусыһы. Ҡышлауйылға урта мәктәбендә лә Белем көнө уңайынан тантаналы линейка бик матур һәм күңелле үтте. Уҡыусыларға — ҡыҙыҡлы дәрестәр һәм сағыу асыштар, уҡытыусыларға — илһам, ата-әсәләргә сабырлыҡ, балалары менән һәр саҡ ғорурланып йәшәүҙәрен теләйбеҙ! Яңы уҡыу йылы яңы уңыштарға һәм ҡыуаныстарға тулы булһын!
Яңы уҡыу йылы яңы уңыштарға һәм ҡыуаныстарға тулы булһын!
Ҡышлауйылға урта мәктәбе уҡыусылары өсөн бөгөн тәүге ҡыңғырау сыңланы. Белем усағында барыһы 68 бала уҡыясаҡ, уларҙың етеһе — 11-се, ә өс малай 1-се класҡа килде.
Байрам менән уҡыусыларҙы, уҡытыусыларҙы, ата-әсәләрҙе ауыл биләмәһе башлығы Илфат Хәлфәт улы Ғатин, “Танып” шифаханаһы вәкиле Зинаида Фәтихова, “Асҡын электр селтәрҙәре” яуаплылығы сикләнгән йәмғиәте директоры Илшат Мәғдәнур улы Мөхәмәтшин, мәктәп директоры Земфира Равиль ҡыҙы Суфиярова, мәғариф ветерандары ҡотланы.
Тантаналы сара Дәүләт флагын күтәреүҙән башланды.
Артабан ҡунаҡтар сығыш яһап, изге теләктәрен еткерҙе, 1-се класс уҡыусыларына бүләктәрен тапшырҙы.
Байрам йыр-моң менән үрелеп барҙы.
Наилә Имаева.
Яңы уҡыу йылы яңы уңыштарға һәм ҡыуаныстарға тулы булһын!
