Тәтешле районынан гуманитар ярҙам килде

Гуманитар йөктө  йыйырға һәм килтереүгә Тәтешле районы ҙур өлөш индерә.

Уның составына зыян күргән ғаиләләргә ярҙам күрһәтеү өсөн тәғәйенләнгән аҙыҡ-түлек, эсәр һыу һәм башҡа кәрәк-яраҡ тауарҙары инә.

Асҡын районы хакимиәте Тәтешле районы хакимиәте башлығы Денис Солтановҡа, Тәтешле районында М.Шайморатов исемендәге ирекмәндәр штабы етәксеһе Гүзәл Әхмәтдиноваға, уның ире Рәмил Фирҙәүес улына, шулай уҡ гуманитар ярҙам йыйыуҙа һәм ташыуҙа ҡатнашҡан Тәтешле районы халҡына ихлас рәхмәт белдерә.

Күрһәтелгән ярҙам ташҡын эҙемтәләренән зыян күргән Асҡын районы халҡына ярҙам күрһәтеүгә ҙур өлөш индерҙе һәм йәнә бер тапҡыр үҙ-ара ярҙам итеү һәм берҙәмлек һәр төрлө ауырлыҡтарҙы еңеп сығырға ярҙам итеүен раҫланы.