"Йәйге карусел"дә күңелле

Был лагерь Солтанбәк ауылын һыу баҫыу һөҙөмтәһендә  “Сарс” лагерынан ҡайтырға мәжбүр булған балалар өсөн  ойошторола.

Мәктәп уҡытыусылары балаларҙы йылы ҡаршы алды. Тәүге көндә тәрбиәселәр балаларҙы лагерҙың эш режимы һәм йәшәү ҡағиҙәләре менән таныштырҙы. Улар өсөн туҡланыу ойошторола,  дәртле зарядка, шулай уҡ хәүефһеҙлек техникаһы буйынса инструктаждар үткәрелә.

Беренсе көн тыныс шарттарҙа файҙалы уҙа: балалар өҫтәл уйындарында ҡатнаша һәм яйлап яңы урынға яраҡлаша.

Ял итеүселәрҙе  алда ҡыҙыҡлы саралар, яңы танышыуҙар һәм сағыу тәьҫораттар көтә.