+20 °С
Ясно
Общие статьи
23 Июля , 07:55
Район башлығы һәр саҡ ҡаза күреүселәр янында
Район хакимиәте башлығы Динис Йосопов ташҡын хәүефе килгәндән алып, һәр көндө һыу баҫҡан ауылдарҙа халыҡ янында булды. Оператив хеҙмәттәр менән бергә Динис Рәдис улы хәлде контролдә тотоп, халыҡ менән аралашып, килеп тыуған мәсьәләләрҙе хәл итә. Бөгөн ул Башҡортостан Республикаһы Дәүләт Йыйылышы – Ҡоролтай депутаты Кашшаф Сәйфет улы Ямалетдинов менән йәнә зыян күргән биләмәләрҙә булды, халыҡ менән осрашып, тейешле ярҙам саралары хаҡында һөйләште.
Район башлығы һәр саҡ ҡаза күреүселәр янында
"Тәүге көндәрҙән халыҡты эсәр һыу менән тәьмин итеү көнүҙәк мәсьәләләрҙең береһе булып ҡалды. "Танып" шифаханаһы директоры Кашшаф Сәйфет улына халыҡтың проблемаларына иғтибар һәм күрһәткән ярҙамы өсөн рәхмәт белдерәм. Ул ташҡындың тәүге көндәренән алып халыҡҡа алты тонна самаһы һыу ебәрҙе", — тине Динис Рәдис улы.
Роспотребнадзор хеҙмәткәрҙәре һыу баҫҡан ауылдарҙан тикшереү өсөн һыу өлгөләрен алды. Улар һыу баҫҡан территория граждандарына хәүефһеҙлек ҡағиҙәләре хаҡында иҫкәртте. Район хакимиәте һәм ауыл Советтарында ла һәр саҡ был хаҡта аңлатыу эштәре алып баралар.
Ташҡын эҙемтәләрен бөтөрөү һәм халыҡҡа ярҙам итеү буйынса эш дауам итә.
Район башлығы һәр саҡ ҡаза күреүселәр янында
