Афарин, Дамира!

28 июндән 6 июлгә тиклем Пермь ҡалаһында «Девелопмент-көньяҡ» корпорацияһы призына шахмат буйынса Рәсәй Балалар кубогы этабы үтә. Унда  илдең 14 төбәгенән 231 ҡатнашыусы көсөн һынай.

Ярыштар йомғаҡтары буйынса Асҡын районының Балалар-үҫмерҙәр спорт мәктәбе тәрбиәләнеүсеһе Дамира Әхмәтғәлиева «11 йәшкә тиклемге ҡыҙҙар»категорияһында 2-се урын яулап, көмөш миҙалға лайыҡ булды.

Дамираны һәм уны әҙерләүсе тренер  Марат Сәғҙиевты ҡотлайбыҙ һәм яңы спорт ҡаҙаныштары, ышаныслы еңеүҙәр һәм төрлө кимәлдәге ярыштарҙа уңышлы ҡатнашыуҙарын теләйбеҙ.