Мәҙәниәт усағында ремонт эштәре бара

Әлеге ваҡытта объектта күләмле эштәр алып барыла.

Яҡынса 7 миллион һумлыҡ проект сиктәрендә бинаны комплекслы яңыртыу ҡаралған: фасадты һәм инеү төркөмөн ремонтлау, тәҙрәләрҙе һәм ишектәрҙе алмаштырыу, биналарҙы эске биҙәү, электр үткәргесен яңыртыу, шулай уҡ йылытыу, һыу менән тәьмин итеү һәм канализация системаларын ремонтлау.

Динис Рәдис улы эштәрҙе башҡарыу барышын ҡарап, подряд ойошмаһы менән графикты үтәүҙе һәм үткәрелгән ремонт сифатын тикшерҙе.

Подрядсы булып шәхси эшҡыуар  Әхмәтов Азамат Ғәли улы сығыш яһай. Капиталь ремонтты 2026 йылдың 31 октябренә тиклем тамамлау күҙаллана.

Яңыртылған ауыл мәҙәниәт йорто мәҙәни саралар, халыҡ менән төрлө осрашыуҙар  үткәреү өсөн заманса, уңайлы һәм хәүефһеҙ урын буласаҡ.