«Карат» позывнойлы яугир БПЛА операторы хеҙмәте һәм йәшәргә ынтылыу хаҡында

Махсус хәрби операция зонаһында бөгөн яҙмыштар хәл ителә, һәм йыш ҡына мәргәнлек кенә түгел, ә үткер күҙле булыу ҙа төп ҡоралға әйләнә. Хәрби хеҙмәткәр «Карат» бөгөн БПЛА взводында хеҙмәт итә.2022 йылдың көҙөндә, ил өлөшләтә мобилизация иғлан иткәс, намыҫ һәм ғәҙеллек төшөнсәләре уға буш һүҙҙәр булмағанлыҡтан, икеләнмәйенсә форма кейә. Бөгөн ул 428-се мотоуҡсылар полкында хеҙмәт итә, әммә уның яу яланы һауала. БПЛА операторы, разведчик-снайпер булыр алдынан ул МХО зонаһында 10 көнлөк уҡыу үткән, ә тәжрибәне ғәмәлдә туплаған. Уның тоғро хеҙмәттәштәре – Mavic сериялы дрондар. Был «ҡоштар» – полктың күҙҙәре. Улар ҡәҙимге ҡараштан йәшерен нәмәләрҙе күрә, уға төҙәтмәләр индерә һәм маҡсаттар эҙләй.«Улар бик яҡшы разведчиктар, – тип һөйләй Карат. – Әммә, ҡыҙғанысҡа ҡаршы, һуғыш шарттарында пилотһыҙ осоусылар оҙаҡҡа сыҙамай. Бер дрондың «ғүмере» бер нисә көн генә тәшкил итеүе мөмкин. Һөҙөмтәле эшләү өсөн яңы техниканың даими килеүе кәрәк».

Карат һүҙҙәренсә, пилотһыҙ осоу аппараты операторы дронды тойорға, һәр модификацияның мөмкинлектәрен белергә, һауала уның тәртибен аңларға, ҡамасауҙарҙы алдан әйтергә тейеш. Сөнки хәрби хеҙмәткәрҙәрҙең именлеге һәм ғүмере уның хәрәкәттәренә бәйле. Тап шуға күрә әле Башҡортостанда пилотһыҙ осоу аппараттары операторҙарын әҙерләүгә сифатлы ҡараш бик мөһим. Республика белгестәр уҡыта ғына түгел, шулай уҡ фронтты техника менән дә тәьмин итә. «Өфө ҡоштары» - FPV-дрондар алғы һыҙыҡта ысын эшсе атҡа әүерелгән.
– Улар ярҙамында беҙ дошман позицияһына аныҡ төшәбеҙ һәм, иң мөһиме, «үҙебеҙҙекеләргә» иң кәрәкле нәмәләрҙе илтеп еткерәбеҙ. Бындай бер ҡош ике баллон һыуға тиң йөк күтәрә ала. Был ғәйәт ҙур ярҙам, - тип һыҙыҡ өҫтөнә ала хәрби хеҙмәткәр.
Яугир үҙе тураһында аҙ һөйләй, сөнки хәҙер уның өсөн иң мөһиме – эш. Өс йылдан ашыу өҙлөкһөҙ көрәштә ул. Был ваҡыт эсендә ул алты тапҡыр контузия, ярсыҡтарҙан яралар влған, әммә ул һәр саҡ ҡабаттан сафҡа баҫа. Караттың ҡыйыулығы һәм батырлығы юғары дәүләт наградаһы - Суворов миҙалы менән билдәләнә.
Әммә был ҡырыҫ һуғыш шарттарында йылылыҡ өсөн дә урын бар. Яңыраҡ ҡына Караттың ҡыҙы тыуған. Хәҙер ул - ҙур ғаилә башлығы: ҡатыны менән ике улы һәм бәләкәй принцессаһы бар. Улар хаҡында уйҙар - йәшәү өсөн иң ҡеүәтле һаҡлағыс һәм мотивация.
– Өйҙән китеүе бик ауыр, – ти ул. – Әммә мин алдымда торған бурыстарҙы аңлайым. Унда мине иптәштәр көтә. Уларға минең ярҙамым, белемем һәм дрондарым кәрәк. Беҙ бер-беребеҙҙе һаҡларға тейешбеҙ.
Иҫегеҙгә төшөрәбеҙ, пилотһыҙ ғәскәрҙәрҙә хеҙмәт итеү тураһында ҡыҙыҡһындырған һорауҙарҙы 122 телефоны буйынса бирергә мөмкин.

Сығанаҡ: https://blagpanorama.com/news/novosti/2026-02-26/boets-s-pozyvnym-karat-rasskazal-o-sluzhbe-operatorom-bpla-i-motivatsii-zhit-4593840