“Ай Йола” төркөмө туған сәхнәһендә сығыш яһаясаҡ

“Ай Йола” төркөмө Өфөләге  III Бөтә Рәсәй Балалар фольклориадаһы сәхнәһендә башҡорт легендаларын йәнләндерәсәк. 

Бөтә майҙансыҡтарҙа уның Ural Batyr альбомын тыңлауҙар һаны 3 миллиардтан ашып китте, музыканттарҙы илдәрҙең президенттары шәхсән сәләмләй, ә сығыштарын донъяның бөтә концерт майҙансыҡтарында көтәләр.  Ләкин 25 июндә “Ай Йола” Өфөлә туғандай яҡын күргән тамашасыһы алдында сығыш яһаясаҡ!

«Беҙ, ата-бабалар традицияларын заманса музыкаль стилдәр менән ҡушып, уникаль шоу хасил итәбеҙ, унда боронғо тарихтар йәнләнә. Һәр йыр – бөйөк риүәйәттең яңы форматта тапшырылған бер бүлеге. Ауыҙ-тел ижады йолалары менән рухланып, беҙ уларға ҡеүәтле электрон ритмдар, тере гитара партияларын һәм башҡорт музыка ҡоралдарының сихри моңон өҫтәйбеҙ. Беҙ  – үткәндәр менән хәҙерге араһында мәңгелек тарихтарҙы яңы яңғырашта һөйләүсе күпер”, – ти артистар.

Ҡасан: 25 июнь, 21:00

Ҡайҙа: Совет майҙаны (0+).

Сығанаҡ: III Бөтә Рәсәй Балалар фольклориадаһының матбуғат хеҙмәте.

#ВсероссийскаяДетскаяФольклориада2026 #ДетскаяФольклориадаБашкортостан #КультурноеНаследие #Этнокультура