Иҫән-һау хеҙмәт итеп ҡайтығыҙ, егеттәр!

Йәштәрҙең  тормошонда  был  яуаплылыҡ, батырлыҡ һәм сыҙамлыҡ талап иткән юлдың башы. 

Район хакимиәте башлығының социаль мәсьәләләр һәм кадрҙар сәйәсәте буйынса урынбаҫары Эльза Әхмәтгәрәева буласаҡ һалдаттарға өгөт-нәсихәт һүҙҙәре менән мөрәжәғәт итте. Ул егеттәргә лайыҡлы хеҙмәт үтергә, армия традицияларын һаҡларға, файҙалы тормош тәжрибәһе тупларға һәм гражданлыҡ бурысын намыҫ менән үтәүҙәрен теләне.

Хәрби хеҙмәткә саҡырылыусыларҙы оҙатып килгән ата-әсәләре һәм туғандары уларға ныҡлы һаулыҡ, ышаныслы иптәштәр һәм имен хеҙмәт теләне.

 Беҙ ҙә егеттәргә иҫән-һау хеҙмәт итеп, физик һәм рухи яҡтан нығынып ҡайтыуҙарын теләйбеҙ!

Хәйерле юл, егеттәр!