+13 °С
Облачно
Общие статьи
5 Июня , 07:15
Башҡортостандың сауҙа һәм хеҙмәттәр министры итеп Константин Климин тәғәйенләнде
Башҡортостан Республикаһы Башлығы Радий Хәбиров указы менән Константин Климин Башҡортостан Республикаһының сауҙа һәм хеҙмәттәр министры итеп тәғәйенләнде.
Белешмә:
Константин Дмитриевич Климин 1978 йылдың 30 декабрендә Өфөлә тыуған. Мәскәү дәүләт сервис институтын тамамлаған. «МИРБИС» Мәскәү халыҡ-ара юғары бизнес мәктәбендә ҡайтанан һөнәри әҙерлек үтеп, «Эшлекле етәкселек итеү мастеры» квалификацияһына эйә була.
Хеҙмәт эшмәкәрлеген 1997 йылда «Уфагражданстрой» предприятиеһының Механизацияланған эштәр идаралығында башлай.
1998-2019 йылдарҙа коммерция ойошмаларында төрлө вазифаларҙа эшләй.
2020 йылда Башҡортостандың «Офис-төркөм» Конгресс-бюроһы директоры итеп тәғәйенләнә.
2021-2022 йылдарҙа – Башҡортостандың «Офис-төркөм» Конгресс-бюроһы директоры урынбаҫары – Беларусь Республикаһындағы вәкиле.
2022-2026 йылдарҙа – Рәсәй Федерацияһының Беларусь Республикаһындағы Сауҙа вәкиллеге ҡарамағындағы Башҡортостан Республикаһы вәкиле.
2026 йылда – Башҡортостан Республикаһы сауҙа һәм хеҙмәттәр министрының беренсе урынбаҫары.
Салауат Юлаев ордены менән бүләкләнгән.
Башҡортостандың сауҙа һәм хеҙмәттәр министры итеп Константин Климин тәғәйенләнде
