Абруйлы ҡунаҡтар беҙҙең стендты баһаланы

Петербург халыҡ-ара иҡтисади форумында Башҡортостан стенды иң популяр стендтарҙың береһе булды. Уны бер нисә мең кеше ҡараған. Почетлы ҡунаҡтар араһында – Рәсәй Президентының Волга буйы федераль округындағы тулы хоҡуҡлы вәкиле Игорь Комаров.

Игорь Комаров республика экспозицияһы менән танышты, унда төп урынды яһалма зиһен нигеҙендә эшләнгән “Шәжәрә ағасы” интерактив инсталляцияһы биләй. Ул төбәктең тарихы һәм милли үҙенсәлектәре тураһында һөйләй, шулай уҡ стендҡа килеүселәрҙең һорауҙарына яуап бирә. Бынан тыш, майҙансыҡта Вуз-ара студенттар кампусы, Рәсәй-Белоруссия инвестиция кластеры һәм Үзбәкстан менән берлектәге “Бекабад” технопаркы проекттары тәҡдим ителгән.

Стендҡа килеүселәр араһында Абхазия Президенты Бадра Гунба, Үзбәкстандың Ғәҙәттән тыш һәм Тулы хоҡуҡлы илсеһе Ботиржон Асадов, Ҡаҙағстан президенты хакимиәте етәксеһе Роман Скляр һәм башҡа сит ил делегациялары бар. Мәҫәлән, республика вәкилдәре Белоруссияның Витебск өлкәһенән, Һиндостандан һәм Танзаниянан коллегалары менән хеҙмәттәшлек перспективаларын тикшерҙе.

Төбәктең иҡтисад, фән, мәғариф, мәҙәниәт һәм сәнғәт үҫешенең төп йүнәлештәре менән шулай уҡ статс-секретарь – илдең оборона министры урынбаҫары, “Ватанды һаҡлаусылар” дәүләт фонды рәйесе Анна Цивилева, Рәсәй Федерацияһы сенаторы Александр Карелин, Дәүләт Думаһы депутаттары Ирина Яровая һәм Ирина Роднина, Волгоград өлкәһе губернаторы Андрей Бочаров, Рәсәй сәнәғәтселәр һәм эшҡыуарҙар союзы президенты Александр Шохин, “Газпром межрегионгаз” компанияһының генераль директоры Сергей Густов, Рәсәй Сауҙа-сәнәғәт палатаһы президенты Сергей Катырин, Рәсәй Йәмәғәт палатаһы секретары урынбаҫары Владислав Гриб, Рәсәйҙең һәм Башҡортостандың халыҡ артисы, Дон дәүләт техник университетының креатив индустриялар институты директоры Анита Цой һәм башҡалар танышты.

– Беҙҙең стенд – форумда иң яҡшыларҙың береһе. Ул мәғәнәһе буйынса йөкмәткеле, бик сағыу һәм үҙенсәлекле, – тип билдәләне Радий Хәбиров журналистар менән әңгәмәлә.

Фото: Башҡортостан Башлығы сайты.