Шишмә яндары һәр саҡ тәртиптә

Солтанбәк  ауыл Советы депутаттары, ауыл Советы һәм   Солтанбәк, Сураш ауылдары  мәҙәниәт хеҙмәткәрҙәре  “Еҫле шишмә”, “Ҡауҙы” һәм “Мөлдөршиҙе” шишмәләре  янын таҙартып, үҫкән үләнде сабып, территорияларҙы тәртикә килтерҙе.

Шишмәләр  — таҙа  һыу сығанағы, улар экосистемала төп роль уйнай.

Быны яҡшы аңлаған өмәселәр   ҙур теләк менән  эшләй. Улар бергәләп сүп-сарҙы йыйып ала, шишмәләргә яҡын килеү юлдарын таҙарта.  Һөҙөмтәлә, бөтә ер таҙарып, яңы һулыш ала. Хәҙер шишмәгә һыу алырға туҡтаусылар рәхәтләнеп ял итеп,  һыу алып китә ала.

Бер үтенес: һәр кем үҙенән һуң таҙалыҡ ҡалдырһын!