"Сарс" лагеры тәүге ял итеүселәрен ҡабул итте

 50 малай һәм ҡыҙ өсөн күптән көтөлгән сағыу тәьҫораттар, яңы таныштар һәм онотолмаҫлыҡ мажаралар осоро башланды.

21 көн дауамында балалар тәжрибәле уҡытыусылар һәм вожатыйҙар менән ял итәсәк, үҫешәсәк һәм күңелле ваҡыт үткәрәсәк. Йәш ял итеүселәр өсөн ижади түңәрәктәр, спорт ярыштары, танып белеү дәрестәре һәм саф һауала әүҙем ял итеүҙе үҙ эсенә алған бай программа әҙерләнгән.

Бөгөн, 1 июнь — Халыҡ-ара балаларҙы яҡлау көнөндә, Биләмә-ара үҙәкләштерелгән китапхана хеҙмәткәрҙәре   килеп,  ял итеүселәр өсөн күңелле һәм сағыу байрам үткәрә.

Сменаның һәр көнө  мауыҡтырғыс булырға вәғәҙә итә. Балаларҙы үҙенсәлекле квестар, концерттар, тематик саралар, дискотекалар һәм бик күп ҡыҙыҡлы ваҡиғалар көтә, унда һәр кем үҙенең һәләттәрен күрһәтә, яңы дуҫтар таба һәм онотолмаҫ  тәьҫораттар ала ала.