Балаларҙың ҡыуанысы сикһеҙ!

Иртә менән Лилиә Ҡыямованың “Империя “ магазинына килеүсе малайҙар һәм ҡыҙҙарға һатыусылар  Сулпан һәм Лилиә Вәлинуровалар бүләккә туңдырма таратты. 

Ә күршеләге Ринат Закировтың “Ҡасим” магазинында бүләккә ҡулъяулыҡтар бирҙеләр.

Ауыл мәҙәниәте алдында  балалар өсөн ойошторолған байрамдың бағыусыһы ла Ринат Закиров булды. Уйындарҙа ҡатнашҡан балалар Ринат Ғәриб улы әҙерләгән бүләктәрҙе алып ҡыуана.

Китапханала иһә “Балалыҡ иле — иң яҡшы ил” тигән китаптар күргәҙмәһе ойошторҙоҡ.

Барлыҡ балаларҙы һәм уларҙың ата-әсәләрен Халыҡ-ара балаларҙы яҡлау көнө менән ҡотлайбыҙ!

Малай һәм ҡыҙҙарға  йәйге каникул ваҡытында күңелле  ял итеүҙәрен, яңы асыштар һәм сағыу, онотолмаҫ тәьҫораттар теләйбеҙ! Ә иң мөһиме - бәхетле, ата-әсәле һәм ҡурсаулы булһындар барыһы ла!”, — тип һөйләне Ҡубияҙ ауылы китапханасыһы Гөлүзә Закирова.