Ҡубияҙҙа самбо фестивале үтте

"Ҡубияҙ һәм Урмияҙ мәктәптәре уҡыусылары, 2010-2013  һәм 2014-2016 йылдарҙағы малайҙар һәм ҡыҙҙар һигеҙ ауырлыҡ категорияһында призлы урындар өсөн көрәште.

Ярыш йомғаҡтары буйынса үҙ ауырлыҡ категорияларында Ильяс Әхмәтйәнов, Арина Нишонова, Искәндәр Нуретдинов, Рианна Нуретдинова — барыһы ла Ҡубияҙ ауылынан һәм Айнур Асҡабалов, Илвирт Низаметдинов, Әлиә Кәримова, Артур Хәбибуллин —  барыһы ла Урмияҙ ауылынан чемпион булды.

 Байрам бик матур үтте, барыһына ла оҡшаны, — тип хәбәр итте Мәҙәниәт, спорт һәм йәштәр сәйәсәте идаралығы начальнигы урынбаҫары Рәмил Закиров.

Наилә Имаева.