Өфөлә Шайморатов исемендәге ирекмәндәр штабының үҙәк офисы асылды

Өфөлә Миңнеғәли Шайморатов исемендәге ирекмәндәр штабының үҙәк офисы эш башланы.

Был штаб республика райондарында әүҙем эшләй. Әлеге ваҡытта уларҙың һаны 71-гә еткән.  Шайморатов штабтары 20 меңдән ашыу ирекмәнде берләштерә. Улар араһында уҡыусы балалар ҙа күп.

Өлкәндәр – эштән һуң, балалар уҡыуҙан һуң бергәләшеп маскировка селтәрҙәре үрә, окоп шәмдәре ҡоя, гуманитар конвойҙар әҙерләй, махсус хәрби операция ҡатнашыусыларының ғаиләләренә ярҙамлаша.

“Миңнеғәли Шайморатов исемендәге штаб ирекмәндәре – МХО ҡатнашыусыларына һәм уларҙың яҡындарына ярҙам итеү мәсьәләһендә беҙҙең төп таяныс”,  – тине Башҡортостан Башлығы Радий Хәбиров.

Өфөләге төп офис көн һайын 9-ҙа асыла һәм 18 сәғәткә тиклем эшләй. Ул Революцион урамындағы 55-се йортта, 105-се бүлмәлә урынлашҡан.

Фото: Радий Хәбиров / соцселтәрҙәр.

Сығанаҡ: Башинформ.