Ата-әсәләр сәләмәт туҡланыу өсөн

«Башҡортостандың ата-әсәләре сәләмәт туҡланыу өсөн» акцияһы сиктәрендә  уҡыусыларҙың ата-әсәләре сарала ҡатнашты.

 Ата-әсәләр мәктәп менюһынан ризыҡтарҙы тәмләп ҡараны, ашнаҡсылар менән аралашты һәм төшкө аш әҙерләү өсөн ниндәй аҙыҡ-түлек ҡулланылыуын белде.

- Беҙгә балаларҙың тәмле һәм файҙалы аҙыҡ менән туҡланыуы оҡшаны. Туҡланыуҙың сифатлы һәм баланслы булыуы мөһим, — тип уртаҡлашты ата-әсәләр.

Мәктәптә билдәләүҙәренсә, бындай осрашыуҙар бергәләп балаларҙың һаулығы тураһында хәстәрлек күрергә һәм дөрөҫ туҡланыу ғәҙәте булдырырға ярҙам итә.