Таланттар йәйғоро

Бына уҡыу йылы ла тамамланып килә. Асҡын 2-се балалар баҡсаһында йомғаҡлау сараһы — “Таланттар йәйғоро” тип аталған ҙур отчет концерты үтте.
Һәр төркөм тәрбиәләнеүселәре йыл буйына төрлө түңәрәктәрҙә шөғөлләнеп, ниндәй һөнәргә эйә булған, ниндәй һәләттәрен үҫтергән, ниндәй күнекмәләр үҙләштергән — тамашасыларға ошоларҙы тәҡдим итте. Кескәйҙәр рухлы йырҙар йырланы, дәртле бейеүҙәр башҡарҙы, әкиәттәр сәхнәләштерҙе, гимнастик номерҙар күрһәтте.
Ата-әсәләр тәрбиәселәргә балаларҙың рухи һәм ижади үҫешенә һалған ҙур тырышлыҡтары өсөн рәхмәт әйтеп, сабыйҙарының уңыштарына һөйөнөп, һоҡланып ултырҙы.
Илһөйәр Махатова.