«Яугилде» заманса юл буйы комплексы асылды

Ҡариҙел районының Яугилде ауылында “Тормош өсөн инфраструктура” милли проекты (национальный проект “Инфраструктура для жизни”) сиктәрендә “Яугилде” юл буйы сервисының яңы комплексы асылды. Был заманса объект трасса буйлап сәйәхәт итеүҙе уңайлыраҡ итергә, бының өсөн бөтә үтеп барыусыларға ла төрлө хеҙмәттәр тәҡдим итергә тейеш. Был хаҡта Ҡариҙел районы хакимиәтенән хәбәр иттеләр.

Башланғыс авторы һәм инвесторы булып “Ферма” компанияһы директоры Альберт Мөхәмәтйәров сығыш яһай. Комплексты асыу — юл инфраструктураһын үҫтереүгә өлөш индереү генә түгел, ә районда йәшәү сифатын яҡшыртыуға бер аҙым, ти ул. Яңы сервис эш урындары булдырасаҡ һәм урындағы халыҡты һәм ҡунаҡтарҙы йәлеп итәсәк.

– "Яугилде" комплексын асыу — мөһим ваҡиға, ул трассала сервис кимәлен күтәрер һәм урындағы иҡтисадты һәм туризмды үҫтереүгә этәргес булыр тип көтөлә, – тип билдәләне Альберт Мөхәмәтйәров.

Яңыртылған милли проекттар Рәсәй Президенты Владимир Путиндың 2025 йылдағы указдарына ярашлы тормошҡа ашырыла. 

Сығанаҡ: Караидель