Яҙғы баҫыу эштәренә әҙерлек

Район хакимиәте башлығы Динис Йосопов ҡатнашҡан сарала агросәнәғәт комплексының 2025 йылдағы эшенә йомғаҡ яһалды, алдағы миҙгелгә бурыстар билдәләнде, шулай уҡ айырым иғтибар талап иткән төп йүнәлештәр асыҡланды.

Ҡатнашыусылар ауыл хужалығы тауарҙарын етештереүселәргә дәүләт ярҙамы, фитосанитар хәүефһеҙлекте тәьмин итеү, киләсәк уңышты һаҡлау һәм аграр өлкәлә ҡануниәтте үтәү мәсьәләләрен тикшерҙе.

Ауыл хужалығы техникаһының баҫыу эштәрен үткәреүгә әҙерлегенә, ерҙе файҙаланыу һәм ер участкаларын рәсмиләштереү мәсьәләләренә, шулай уҡ ташламалы кредитлау һәм ауыл хужалығы хәүефен страховкалау механизмдарына айырыуса иғтибар бүленде.

Сарала белгестәр әҙерләү һәм белем биреү учреждениелары менән үҙ-ара эш итеү мәсьәләләре ҡаралды. Ауыл ерендә йәш кадрҙарҙы йәлеп итеү һәм нығытыу мөһимлеге билдәләнде.

Ауыл хужалығы предприятиеларының, белгестәрҙең һәм власть органдарының яраштырылған һәм көйләнгән эше шарттарында ғына сәсеү кампанияһын уңышлы үткәреү мөмкин булыуы һыҙыҡ өҫтөнә алынды.

Сара аҙағында асыҡ диалог үтте, уның барышында ҡатнашыусылар бөтә һорауҙарға  яуап алды.