Ташламалы хаҡҡа яҙылдылар

Ҡәҙерле гәзит уҡыусыларыбыҙ, алдан хәбәр итеүебеҙсә,  6 апрелдән 16 апрелгә тиклем «Рәсәй почта»һы гәзит-журналдарға ташламалы хаҡҡа яҙылыу иғлан итте. Ошо мөмкинлекте ҡулдан ысҡындырмай, “Йәнтөйәк” район-ара һәм “Ышаныч”, “Аскинская новь” район  гәзиттәренә яҙылып ҡалығыҙ!

Азат  Фәйзуллин етәкселегендә  — Ҡашҡа мәктәбе, Наилә Ильясова етәкселегендә Солтанбәк мәктәбе коллективтары  бөгөн ташламалы хаҡҡа район гәзиттәренә яҙылды.

Солтанбәктә  — почтальон Лидия Әхмәҙинурова, Ҡашҡала Эльвира Баймөхәмәтова  уҡытыусылар янына барып,   квитанциялар  тултырҙы.

Киләһе йылда ла баҫмабыҙ менән  дуҫлыҡ ептәрен өҙмәгән  уҡытыусылар коллективтарына  рәхмәт белдереп, яуаплы эштәрендә  уңыштар теләйбеҙ!

Иҫегеҙгә төшөрәбеҙ:

Декада ваҡытында “Йәнтөйәк” район-ара гәзитенә ярты йылға почта аша яҙылыу хаҡы – 549 һум 12 тин.
Редакциянан үҙегеҙ килеп алһағыҙ — 462 һум, ә курьер килтереп бирһә, 492 һум буласаҡ.
Бергә булдыҡ, бергә ҡалайыҡ!

Наилә Имаева.