8 апрель — Хәрби комиссариаттар хеҙмәткәрҙәре көнө

Бөгөн Асҡын ауылының хәрби комиссариатында дүрт хеҙмәткәр эшләй : Эльмира Ҡадирова, граждандарҙы хәрби хеҙмәткә хәрби иҫәп буйынса әҙерләү һәм саҡырыу мәсьәләләре буйынса бүлек начальнигы ярҙамсыһы,

Әнфисә Ғәлиева, БР Ҡариҙел һәм Асҡын райондары хәрби комиссариатының хәрби иҫәп буйынса мобилизацияланған ресурстарҙы планлаштырыу, тәғәйенләү, әҙерләү һәм иҫәпкә алыу бүлеге начальнигы ярҙамсыһы.

Бөтә һорауҙар  буйынса яугирҙар үҙҙәре Һәм уларҙың ғаиләләре Әнфисә Ваис ҡыҙына мөрәжәғәт итә.

Асҡын ауыл Советы  хәрби-иҫәп өҫтәле белгестәре Гөлнария Хәбирова һәм Гөлсинә Төхбәтуллина хәрби иҫәптән төшөрөү һәм ҡуйыу менән шөғөлләнә, ойошмалар менән тикшереүҙәр үткәрә, үҙ-ара килешеп  эш итеүгә документтар әҙерләүҙә ярҙам итә.

Хөрмәтле хәрби комиссариат хеҙмәткәрҙәре һәм ветерандары!
Һеҙҙе һөнәри байрамығыҙ - Хәрби комиссариат хеҙмәткәрҙәре көнө менән ихлас күңелдән ҡотлайбыҙ!
Хәрби комиссариаттар һәр ваҡыт илдең хәүефһеҙлеге һәм именлеге нигеҙе булып тора, сөнки тап һеҙ граждандар йәмғиәте менән армия араһындағы ныҡлы бәйләнеште булдыраһығыҙ, Ватанды лайыҡлы ил һаҡсылары менән тәьмин итәһегеҙ. Һеҙгә фиҙакәр хеҙмәтегеҙ, илдең һаҡлау ҡеүәтен нығытыуға, хәрби хеҙмәткә саҡырылыу алдынан әҙерлеккә һәм йәштәргә хәрби-патриотик тәрбиә биреүгә индергән өлөшөгөҙ өсөн рәхмәтемде белдерәбеҙ.
Һеҙгә ныҡлы һаулыҡ, рух күтәренкелеге, ғаиләләрегеҙҙә тыныслыҡ, изгелек һәм именлек теләйбеҙ! Һеҙҙең көндәлек хеҙмәтегеҙҙә иртәгәһе көнгә ышаныс һәм тик уңыштар ғына юлдаш булһын!

Фәйрүзә Юнысова.