Афарин, Илгиз!

2 апрелдә Өфөлә Башҡортостан Республикаһының атҡаҙанған физик культура хеҙмәткәре Гөлүс Әғзәм улы Әғзәмов иҫтәлегенә  арналған милли һәм халыҡ спорт төрҙәре буйынса XXIV Республика фестивале үтте. Фестиваль программаһына дүрт спорт төрө инә: көрәш, армрестлинг, гер спорты, мас-рестлинг.

 Үҙ төркөмөндә Асҡын Балалар-үҫмерҙәр спорт мәктәбе  тәрбиәләнеүсеһе (тренеры Фәрдүс Әхмәтов), бөгөн иһә Башҡорт архитектура-төҙөлөш колледжы студенты, Упҡанкүл ауылынан Илгиз Әйүпов чемпион булды!

 Илгизде лайыҡлы еңеүе һәм наградаһы менән ҡотлайбыҙ! Уға ныҡлы һаулыҡ, яңы ҡаҙаныштар һәм спорт аренаһында яңынан-яңы сағыу еңеүҙәр теләйбеҙ!