Балалар баҡсаһында «Һылыуҡай – 2026» конкурсы үтте

 Һәр ҡыҙ ата-әсәһе һәм тәрбиәселәре менән бергә визит карточкаһы, ижади номер һәм матур башҡорт кейемдәрендә дефиле әҙерләгәйне. Балаларҙың сығышы  онотолмаҫ тәьҫораттар һәм байрам кәйефе бүләк итте.

Бәйгеселәрҙе  компетентлы жюри баһаланы: хөрмәтле ветерандар — Алия Абдулла ҡыҙы, Фәйрүзә Фәйзулла ҡыҙы, мәктәпкәсә белем биреү  методисы Ольга Петровна, ата-әсәләр комитеты рәйесе Әлфиә Фрит ҡыҙы һәм Асҡын 2-се балалар баҡсаһы  мөдире Лариса Фәрит ҡыҙы, өлкән тәрбиәсе Эльза Фәнит ҡыҙы. "Балаларҙың сығышын баһалау  еңелдән булманы, сөнки һәр ҡатнашыусы еңеүгә лайыҡ  ине!" — ти жюри ағзалары.

Кесе мәктәпкәсә йәштәге балалар араһында Гран — приҙы Зиннәтуллина Йәсмина, ә өлкән мәктәпкәсә йәштәгеләр араһында Хамматова Сабина яуланы.

Бәләкәс башҡорт һылыуҡайҙарыбыҙҙы сағыу сығыштары һәм онотолмаҫлыҡ хис-тойғолар бүләк иткән  рәхмәт белдерәбеҙ!