Күренекле райондашыбыҙ, талантлы педагогка арнап

Фәһемле сарала Асҡын 1-се урта мәктәбенең 8-се класс уҡыусылары ҡатнашты.

Китапханасы-балалар менән күләмле эштәр ойоштороусы Глүсә Ғәлиева бай презентация, күргәҙмә материалдар аша балаларҙы Тәлғәт Зарип улының бай тормош юлы, район һәм республика мәғарифына, тыуған яҡты өйрәнеүгә индергән ҙур өлөшө тураһында һөйләне.

Балалар билдәле яҡташыбыҙҙың ныҡышмалылығы һәм тырышлығы нәтижәһендә Иҫке Ҡаҙансы мәктәбендә тыуған яҡты өйрәнеү музейы барлыҡҡа килеүен һәм район тарихы буйынса беренсе китап сығыуын белде.

Әйткәндәй, ошо көндәрҙә Тәлғәт Зарип улы Яҡуповтың 100 йыллыҡ юбилейы уңайынан район мәғариф һәм мәҙәниәт учреждениеларында фәһемле саралар үтә.

Илһөйәр Махатова.

Глүсә Ғәлиева фотолары.