Асҡын районында юлдағы соҡорҙарҙы ремонтлайҙар

Был аҙнала   «Башкиравтодор»  акционерҙар йәмғиәте филиалы — Ҡариҙел  юл ремонтлау-төҙөү идаралығы Асҡын участкаһының юл хеҙмәттәре  Яугилде – Щучье Озеро (Суртанлыкүл) төбәк юлында авария соҡорҙарын бөтөрөүгә тотондо.

Эштәр һалҡын асфальт ҡулланып башҡарыла. Был һауа торошо үҙгәреүсән булғанда ла юлды тиҙерәк тәртипкә килтерергә мөмкинлек бирә.

Бөгөнгә дөйөм майҙаны 100 квадрат метрҙан ашыу булған 190-ға яҡын соҡор ямалған.