-2 °С
Болотло
Бөтә яңылыҡтар
Общие статьи
13 Март , 14:55
Республикала элекке финансист район башлығы итеп тәғәйенләнде
Башҡортостан Башлығы Радий Хәбиров Тәтешле районы етәксеһе вазифаһын ваҡытлыса башҡарыусы вазифаһына кандидатураны раҫланы.
Республикала элекке финансист район башлығы итеп тәғәйенләнде
Тәтешле районы советы депутаттары Тәтешле районы хакимиәте башлығы вазифаһын ваҡытлыса башҡарыусыны раҫланы.
Етәксе итеп Тәтешле районы хакимиәте башлығының беренсе урынбаҫары, финанс идаралығы начальнигы булып эшләгән Ринат Наил улы Мәғзүмов тәғәйенләнде. «Башинформ» агентлығы ҡарамағында тейешле документ бар.
Документта былай тиелә: «Башҡортостан Республикаһы Тәтешле районы муниципаль район хакимиәте башлығы вазифаһын ваҡытлыса башҡарыуҙы хакимиәт башлығының беренсе урынбаҫары – финанс идаралығы начальнигы Мәғзүмов Ринат Наил улына йөкмәтергә».
«Башинформ» белешмәһе:
Ринат Мәғзүмов 1970 йылдың 3 июлендә Бөрөлә тыуған. Хеҙмәт юлын Тәтешле районы буйынса дәүләт һалым инспекцияһында дәүләт һалым инспекторы булып башлай. Тәтешле районында Рәсәй Пенсия фондының республика идаралығы начальнигы булып эшләй. 2022 йылдың февраленән Тәтешле районы хакимиәтендә район башлығы урынбаҫары вазифаһын биләй.
Новости партнеров