Ошо аҙна аҙағында уҡ "плюс"ҡа күтәрелә

Халыҡ-ара ҡатын-ҡыҙҙар байрамында тәбиғәт буранлы, һалҡын көндәр бүләк итте. 8-9 мартта республиканың ҡайһы бер төбәктәрендә төндә - 25...30 градусҡаса һыуытты. Көндөҙ ҙә артыҡ йылытманы: -17...-19 градус. Әммә һыуыҡтар оҙаҡҡа килмәне, шаршамбынан - 11 марттан тағы йылыта башлай, ә аҙна аҙағына ҡарай көндөҙгө һауа температураһы "плюсҡа" күтәрелә, тип хәбәр итте "Башгидрометүҙәк". 

12 мартта Өфөлә көндөҙ +3,  ә 15 мартта +5 градус йылы буласаҡ. Төндә лә артыҡ һыуытмай: -3...-2 градус. Ошондай уҡ һауа торошо республиканың барлыҡ төбәктәрендә лә урынлашасаҡ.