Бәләкәс һылыуҡайҙар һоҡландырҙы

Бәйге барышында Балтас районыны балалар баҡсаларынан килгән һылыуҡайҙар үҙҙәренең артислыҡ оҫталығын, тыуған яҡ тарихын һәм халҡыбыҙҙың быуаттар буйына һаҡланып килгән ғөрөф-ғәҙәттәрен белеүен күрһәтте.

Мәҙәни мираҫ һәм  героик традицияларға бағышланған конкурс (мифик һомай образында)  дүрт номинацияла  үтте: визитка, ижади конкурс, милли кейемдә дефиле һәм интеллектуаль турнир.

Уйлап ҡына ҡарағыҙ, конкурста ҡатнашыусы бәләкәстәр “Урал батыр” башҡорт халыҡ  эпосының 46 юлын ятлаған!

Был, һис шикһеҙ, ата-бабаларыбыҙҙың  мираҫына тәрән хөрмәт һәм милли рухтың көслө булыуын күрһәтә.

Конкурстың һәр этабында ҡатнашыусыларҙың сығышы һоҡланыу уятты. Улар башҡорт һылыуҡайҙарының  ниндәй булырға тейешлеген асыҡ күрһәтте: көслө  рухлы, зирәк, хеҙмәт һөйөүсән, халҡыбыҙҙың мираҫын хөрмәт итеүсе һәм уны яратыусы. Һәр сығыш – йәш быуындың милли үҙаң  үҫеше өсөн ҙур аҙым.

Бәйге аҙағында еңеүселәр билдәләнеп, бүләкләнде.

“Һомай һылыуы —2026” бәйгеһе мәҙәниәтебеҙҙе, тарихыбыҙҙы һәм ғөрөф-ғәҙәттәребеҙҙе йәш быуынға тапшырыуҙа ҙур роль уйнай.

Фирғәт Нәбиуллин.

Балтас районы.