Рәсәй Геройы Вәсил ЯМАЛЕТДИНОВ үҙ ротаһының хәрби ҡаҙаныштары хаҡында һөйләне

Армияла Алыҫ Көнсығышта хеҙмәт итә, шунда уҡ контракт менән ҡала. Махсус хәрби операцияла тәүге көндәрҙән алып ҡатнаша. Хеҙмәте барышында өс тапҡыр ҡаты яралана, ләкин яңынан сафҡа баҫа. Көнсығыш хәрби округының 5-се дөйөм ғәскәри армияһының 60-сы айырым мотоуҡсылар бригадаһының мотоуҡсылар батальоны ротаһына командалыҡ итә, позывнойы – “Ҡатау”.

2025 йылдың декабрендә уның ротаһы, Вәсил ул ваҡытта өлкән лейтенант була, тәүгеләрҙән булып Запорожье өлкәһенең Гуляйполе ҡалаһына инә. Офицер әйтеүенсә, уларға урман һыҙатында дошманды урап сығыу, уларҙың тылындағы өс урамды алыу, ҡаланың көнбайыш өлөшөн таҙартыу һәм плацдарм булдырыу бурысы ҡуйыла. ВСУ ғәскәрҙәре урман һыҙаттарынан сигенә башлағас, ҡапыл уның ротаһына юлыға. Яугирҙар позицияларын өс аҙна самаһы һаҡлай, һуңынан контрһөжүмгә ҡаршы тора.

Яугир өсөн өлкән ағаһы Данил – отставкалағы Эске эштәр министрлығы офицеры, Төньяҡ Кавказдағы контртеррористик операцияла ҡатнашыусы – батырлыҡ өлгөһө булып тора. Вәсил шулай уҡ хәрби хеҙмәткәр өсөн ғаиләнең бик мөһим булыуын билдәләне: уны ҡатыны һәм бәләкәй ҡыҙы көтә.

“Ғаилә – ул Ватан, уның киләсәге өсөн көрәшәбеҙ. Бөтә яугирҙарыбыҙҙың  тиҙерәк ғаиләләренә иҫән-һау әйләнеп ҡайтыуҙарын теләйем. Бер ваҡыт мин дә тыуған республикама ҡайтырмын. Бәләкәй ватаныма һирәк ҡайтам, тыуып үҫкән ерҙәремде һағындым. Ә әлегә – фронтҡа. Эште аҙағына еткерергә кәрәк”, – тине капитан Вәсил Ямалетдинов “Башинформ”ға биргән интервьюһында.