Изге Рамаҙан айына әҙерлек

Рамаҙан айы —  ураҙа тоту, пакланыу, тәрбиә, изге ғәмәлдәр ҡылыу айы. Был айҙың бөйөклөгөн белгән ағинәйҙәр күптән әҙерлек алып бара.  Мәмдүнә Ғаян ҡыҙы етәкселегендә кисә улар мәсеткә йыйылып, бергәләшеп балаҫтарҙы ҡағып, туҙанды һөртөп, иҙәндәрҙе йыуып сығалар. Мәсет йәмләнеп, дин ҡәрҙәштәребеҙҙе  көтөп ҡала.

“Рамаҙан айы - ул беҙҙең иң яҡшы ҡунағыбыҙ, ул беҙгә йылына бер тапҡыр ғына килеп китә. Эй, Аллаһым, барыбыҙға ла изге Рамаҙан айын яҡшы әҙерлек һәм изге ниәттәр менән ҡаршы алырға, ураҙаларыбыҙы тоторға, гонаһтарыбыҙҙан арынырға, сауаптарға ирешергә, рәхмәтеңә лайыҡ булырға насип ит! Амин! —  тип теләй ағинәйҙәр.

Наилә Имаева.