Волейболсылар һынатманы

Ҡариҙел ауылының  «Олимпиясы»  физкультура-һауыҡтырыу комплексында Башҡортостан Республикаһы  уҡыусыларының  XXVIII спартакиадаһы иҫәбенә үҫмерҙәр араһында волейбол  турниры үтте.

Ярышта Асҡын, Балтас, Борай, Тәтешле, Мишкә, Ҡалтасы һәм Ҡариҙел райондары командалары ҡатнашты. Беренсе көндө — ҡыҙҙар, иртәгеһен егеттәр йыйылма командалары  майҙан тотто. 

Уйын һөҙөмтәләре буйынса ҡыҙҙар  араһында I урын – Ҡариҙел, II  - Борай һәм III урын Тәтешле командаларына бирелде.

 Егеттәр араһында I урынға – Ҡариҙел,  II – Балтас, III урынға Асҡын йыйылма командалары лайыҡ булды. 

I һәм II  урын яулаусылар республика уйынында ҡатнашсаҡ.

Марат Бүләков.