Бөрө мультиинструменталисы Гран-приға лайыҡ булды

Бөрө мультиинструменталисы Раил Ғизәтуллин "Йырлайым һәм уйнайым"  Бөтә Рәсәй йырсы-башҡарыусылар конкурсында Гран-приға лайыҡ булды. Раил Хәмит улы "Һағыш" йыры һәм ауыл көйҙәре менән "Һәүәҫкәр" номинацияһында  иң яҡшыһы тип танылды. Ул башҡарыу оҫталығы һәм вокал өсөн уникаль бүләк — тальянға эйә булды.

"Төмәнәк"  татар йәмәғәт тарихи-мәҙәни үҙәге тарафынан уҙғарылған конкурс  Башҡортостандың һәм Татарстандың халыҡ артисы Фән Вәлиәхмәтовтың тыуыуына 74 йыл тулыуға арналды.

Степан Чиглинцев фотоһы.