-11 °С
Ҡар
Бөтә яңылыҡтар
Общие статьи
9 Февраль , 19:05
Радий Хәбиров фехтование буйынса Донъя кубогы еңеүселәрен бүләкләне
Башҡортостан Башлығы Радий Хәбиров хөкүмәттең оператив кәңәшмәһендә фехтование буйынса Донъя кубогы еңеүселәре Әмир Фәхретдиновты һәм Ростислав Хамдамовты, шулай уҡ уларҙың тренерҙарын бүләкләне. Хәтерегеҙгә төшөрәбеҙ, Ростислав һәм Әмир Туниста фехтование буйынса Донъя кубогы еңеүселәре булды, шулай уҡ шәхси зачетта алтын һәм көмөш миҙалдар яуланы.
Радий Хәбиров фехтование буйынса Донъя кубогы еңеүселәрен бүләкләне
«Мин быны оло еңеү тип иҫәпләйем! Беҙ еңеүҙәр булыр тип уйлағайныҡ. Фехтование үҙәге методик үҙәк сифатында сығыш яһай, бында күләмле турнирҙар ҙа үткәрелә. Ә ҙур ярышһыҙ ҙур спорт та юҡ», — тип билдәләне Радий Хәбиров.
Радий Хәбиров Өфөнөң олимпия резервындағы спорт мәктәбенең фехтование буйынса тренер-уҡытыусыһы Тимур Арыҫлановты һәм халыҡ-ара категориялы судья Раил Нәғимовты республиканың маҡтау грамоталары һәм рәхмәт хаттары менән бүләкләне. Әмир Фәхретдинов һәм Ростислав Хамдамов та юғары спорт ҡаҙаныштары өсөн республика Башлығынан рәхмәт хаттары алды.
«Хөрмәтле Радий Фәрит улы, награда өсөн, республикабыҙҙа фехтование үҫешенә тос өлөш индергәнегеҙ өсөн ихлас күңелдән рәхмәт белдерәм. Шулай уҡ Фехтование үҙәге өсөн рәхмәт. Ҡыҫҡа ғына ваҡыт эсендә Фехтование буйынса Рәсәй чемпионатын, уҡыусыларҙың йәйге Спартакиадаһын үткәрҙек. Хатта әле лә унда ил беренселеге ярыштары бара. Беҙҙең спортсылар Рио-де-Жанейрола уҙырға тейешле донъя беренселегенә үтте. Яңы еңеүҙәргә ышанабыҙ», — тине Раил Нәғимов.
Радий Хәбиров фехтование буйынса Донъя кубогы еңеүселәрен бүләкләне
Новости партнеров