Еңеүгә ышаныс менән

Ауыл китапханаһы хеҙмәткәре Лилиә Сәмиғуллина әленән-әле балалар өсөн төрлө саралар ойоштора. Ошо көндәрҙә һүрәттәр конкурсы үткәрҙеләр. Лилиә Мәсхәр ҡыҙы балаларға урамдағы ҡарауһыҙ йөрөгән эттәрҙән нисек һаҡланырға кәрәклеге тураһында һөйләне. Шулай уҡ балалар янғын хәүефһеҙлеге, төрлө хәтәр осраҡтарҙан һаҡланыу ҡағиҙәләрен нығытты.

Солтанайҙар МХО яугирҙарына ла даими ярҙам ебәрә. Ошо көндәрҙә гүзәл заттар Земфира һәм Зөлфәт Хәлитовтар өйөндә йыйылып, туҡмас киҫте. “Беҙ ебәргән ризыҡтар, әйберҙәр ир-егеттәребеҙгә өй йылыһын тапшырһын. Яугирҙарыбыҙҙың тиҙерәк Еңеү менән ҡайтыуын теләйбеҙ”, — ти изге эш башҡарыусы Солтанай ауылы халҡы.

Илһөйәр Махатова.