Ә һеҙ күргәҙмә менән таныштығыҙмы?

Ул Бөйөк Еңеүҙең 80 йыллығына, Ватанды һаҡлаусы йылына, Башҡортостанда Махсус хәрби операцияла ҡатнашыусылар һәм уларҙың ғаиләләренә ярҙам итеү йылына бағышланған.

 Борай районының Р. Ғәлиева исемендәге район Мәҙәниәт йорто ойошторған күргәҙмәлә Рәсәйҙең төрлө төбәктәренән талантлы 20 рәссамдың төрлө жанрҙағы 40 эше ҡуйылған. Әҫәрҙәр тарихи иҫтәлек, быуындар күсәгилешлеге һәм Тыуған илгә һөйөүгә бағышланған.

 Һәр көндө бында күргәҙмә менән танышырға районыбыҙ мәктәптәренән уҡыусылар һәм сәнғәткә битараф булмаған кешеләр килә.  Музейҙың баш методисы Әнзирә Ғәниева һәм уның ярҙамсыһы Айгөл нартдинова улар өсөн экскурсия үткәреп, тәҡдим ителгән эштәр, күргәҙмәнең барлыҡҡа килеү тарихы, уның тарихи хәтерҙе һаҡлау һәм быуындар күсәгилешлеге өсөн ҙур әһәмиәте тураһында һөйләй.

Күргәҙмә Асҡын тарих-тыуған яҡты өйрәнеү музейында ай дауамында эшләйәсәк.

Наилә Имаева.