«Форум тәжрибә уртаҡлашыу, алдынғы идеяларҙы эшебеҙгә индереү майҙансығы булды"

Асҡын районы хакимиәте башлығы Динис Йосопов республикабыҙҙа үткән “Кесе Ватан — Рәсәй көсө” III Бөтә Рәсәй муниципаль форумында ҡатнашты.

• “Кесе Ватан — Рәсәй көсө” III Бөтә Рәсәй муниципаль форумы беҙҙең территорияларҙың киләсәге тураһында һөйләшеү өсөн киң күләмле майҙансыҡ булды. Уның беренсе көнө “Муниципаль үҫеш: яңы үҫеш драйверҙары” тип аталды һәм районыбыҙ өсөн мөһим ине. Нәҡ муниципаль кимәлдә халыҡтың йәшәү сифаты мәсьәләләре хәл ителә: юлдар торошо һәм төҙөкләндереү, иҡтисад һәм эш урындары, социаль өлкә һәм уңайлы көндәлек тормош. Форум сиктәрендә муниципалитеттарҙың үҫешенә яңы ҡараш, һөҙөмтәле идара итеү ҡарарҙары, урындағы башланғыстарҙы яҡлау, беҙҙә ҡулланырға мөмкин булған һәм беҙ ҡулланырға тейешле илдең иң яҡшы практикалары тураһында фекер алыштыҡ.

Минең өсөн форумда ҡатнашыу алдынғы тәжрибәләргә өйрәнеү һәм районға халыҡ мәнфәғәте өсөн эшләйәсәк аныҡ идеялар алып ҡайтыу мөмкинселеге булды.  

Кесе Ватаныбыҙҙың үҫеше көслө муниципалитеттарҙан башлана. Беҙҙең бурыс — Асҡын районын тотороҡло үҫеш һәм мөмкинлектәр биләмәһе яһау, — тип фекерҙәре менән уртаҡлаша социаль селтәрҙәге сәхифәһендә Динис Рәдис улы.