Борайҙа күргәҙмә асылды

 “Танып Һыу” арт-галереяһында “Йөрәгем һәм күңелем менән ижад итәм” тип аталған  IV район һынлы һәм декоратив-ғәмәли  сәнғәт күргәҙмәһе асылды.

Проекттың авторы һәм етәксеһе — район Мәҙәниәт һәм йәштәр сәйәсәте идаралығы начальнигы Илгиз Харисов билдәләүенсә, проект Президенттың Мәҙәни  инициативалар  фонды ярҙамында “Ниәт” социаль-мәҙәни инициативалар автоном коммерцияға ҡарамаған ойошмаһы тарафынан тормошҡа ашырыла.

Күргәҙмә классик рәсем сәнғәтенән һәм графиканан алып декоратив-ғәмәли сәнғәттең заманса формаларына ҡәҙәр эштәрҙе туплаған. Был күргәҙмә ағымдағы йылдың майына ҡәҙәр эшләйәсәк.

Венера Арысланова.